منتديات قصي مامون
مرحبا بكم في منتديات قصــــــــي مامون واتمنى لكم قضاء اجمل الاوقات

منتديات قصي مامون

بـــــــــــــــوابتـــــــــــــــــكـ نحـــــــــــــــو الافضــــــــــــــــــــــل
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 ماهي الصدمة العاطفية؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
القنصل
مدير المنتدى
avatar

عدد المساهمات : 105
نقاط : 290
تاريخ التسجيل : 04/07/2010
العمر : 30

مُساهمةموضوع: ماهي الصدمة العاطفية؟؟؟؟   الثلاثاء مارس 08, 2011 8:36 pm

الصدمه العاطفيه او الانفصال عن الحبيب..
موضوع مهم يمر بالكثيرين بس فى البدايه عايز اوضح يعنى
( شنو صدمه عاطفيه )...
اتنين برتبطو ببعض لفترة من الزمن وحصل انهم ماحيكملو او الارتباط ماحايستمر والاسباب كتيرة البتنتهى بيها العلاقات (يمكن عدم توافق) او ظروف تجبر الطرفين لانهاء العلاقه او مجموعه من المشاكل تخلى الطرفين يصلو لحل انهاء العلاقة واصعب سبب انو واحد من الطرفين( ربنا يفتكروا) وبجد دى بتكون صعبه ..اذا الاسباب كتيرة البتنهى بيها العلاقات المهم فى النهايه هى( قسمه )وكلمة القسمة دى كتير من الناس مابحبوها لاكن نسوى شنو عاد ياها القسمة ومافى غيرا... اها البحصل شنو بعد كدة بمعنى تانى الاعراض البحس بيها الواحد اكيد فراغ عاطفى حاد .....والم فى الراس بأستمرار ...زهول وزبول مصاحب بتوهان... واهم حاجة عيون مزغلله ونشفان فى الاطراف وفى الحلق واختلال فى بوصلة الاتجهات وهلم جرا ...... (اى زول يحس بالاعراض دى معنلتا مصدوم عاطفيا) وبينى وبينكم الحكايه صعبه لانو الاتنين بيكونوا مرتبطين بكل حواسهم يعنى برنامجم من مايصبحوا لما يغيبوا بيكون واحد يعنى بتكون فقدت شخص كان معاك زى ضلك ملازمك فى كل تفاصيل حياتك...
هنا الناس بتختلف فى تقبل للحاجة دى لانو دة برجع حسب تركيبة الشخصية وقدرة تحملها للضغوط بعض الناس بتفكر بصورة ايجابيه وزى ماقلت برجع لبنية الشخصيه وطريقة التفاعل العاطفى بتاعو وتفتش لحلول انها كيف تقدر تتجاوز الالم دة وتقصر من مدتو وناس ديل عادة مابقعدو يفكرو قدر شنو الالم السببتو الصدمه وياريت وياريت ويتحسروا على نفسهم لانو فاهمين كان اتألمو كان قعدوا الدنيا ماشه ومابتنتظر زول... ومن هنا بتجى قوة الارادة والتصميمم فى يتجاوز المحنه بأسرع وقت ...وبرضو بحاولو يتجنبو من زكريات الفشل وبنلقاهم بحاولو يزيدوا من نشاطاتهم الاجتماعية يعنى يبرمجوا مع ناس بيتم او اهلهم واصحابهم والناس القربين ليهم برضو ممكن يقروا كتب يلعبوا رياضة يشتركوا فى جمعيات ثقافيه المهم يملو الفراغ الهم حاسنو بحاجه ايجابيه ويحسوا انو الحياة فيها جوانب كتير ممكن نفكر فيها دة مامعناهو انو الحكايه دى ساهله لا ابدا بس زى ماقلتا لما نوسع نطاق تفكيرنا ويكون عندنا قوة ارادة وشخصيه وكونوا مهما يحصل للواحد يشوف الدنيا بطريقه كويسه وانو البحصل دة اكيد ربنا قاسم ليهو الخير فيهو مابتجينا عوجة
انا حاقيف عند الجانب الايجابى بس بتمنى من كل زول فى المنتدى يكتب وجهة نظروا فى الطرق الايجابيه الممكن نتخطى بيها الازمات او الصدمات العاطفيه............
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://gosy.yoo7.com
 
ماهي الصدمة العاطفية؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قصي مامون :: الثقـــــــــــــــــــافي-
انتقل الى: