حبسوني في البيت التعيس وكمان ابوي قفلو ومشى
انا والشعر ولون الخديد ونهيدي محروق الحشى
عايشين علي نار اللهيب وامال قلوبنا منعشة
يا بيتنا يا السجن التعيس ياما ظروفنا البائسة
عشرين سنة ونا لسى برعمة مقفولة ومتوحشة
نهيدي دا الفتق القميص خايفة له من الكرمشة
شعري اسود ذي سواد الليل شعرًًََ حرير بادي الاسى
خدي البنور للصباح انا خايفة يطفيه الضنى
انا خايفة اصبح زول عجوز من كترة الهم والاسى
اذني ماسمعت خبر لا شاب طراها ولا حدثة
مسايري نازلة علي الجبين مالاقية اصابع تهبشة
اخوي يراغب في الزهور شايل عصايتة وحارسة
يا حليلة اختي الروقت جاها واحد عرسة
نست الالم نست السجون نست القبيل كان برءسة
الليلة عايشة منعمة واخر دردشة
هاك يا طلح وهاك يا بخور وهاك يا محبة وفرفشة
وانا لسى بين الغسيل والمكوة وبعدين اروح المكنسة
يا الله يا خالق الجسم خلقتو بي براعة وهندسة
المنقة نضجت في الصدير راجية البيقطف سندسة